Bangkay nga nasapwan nakilala na

52

Bangkay sang isa ka lalaki nga nasapwan pasado las 9 sini gid lamang nga aga sa Malogo River natung-an sang banwa sang EB Magalona kag ciudad sang Victorias ang nakilala na.

Suno sa mga pumuluyo, naga-kulob ang bangkay sang biktima sang ini ang ila nasapwan, nagasuksok sang itom nga sando, may mabukod nga pang-lawason kag bata-on pa.


Sa imbestigasyon, ginkilala sang pamilya ang biktima nga si Roger Hellacone,19 anyos kag isa ka farm kag construction worker.

Nobyembre 18 sang gab-i sang ini ang nagahampang sa isa ka computer shop sa Purok Masagana, Barangay Tanza banwa sang EB Magalona sang ini ang pwersa nga ginkuha kag ginpasakay sa silver gray nga pick-up sang tatlo ka wala makilala nga mga persona.

Kaina sang aga, ini ang nasapwan sa Brgy. 13 syudad sang Victorias nga may tatlo ka igo sang bala sa ulo.

Facebook Comments

From Advertisers