Nakilala na ang bangkay sang lalaki nga nasapwan kahapon sang aga sa Circumferential road sa Sooc, Arevalo.
Ginkilala ang biktima nga si Christian Cofreros, 29 anyos sang Purok Kawayan, Barangay Banago, Bacolod City.
Positibo nga gin-identify ang biktima sang iya pakaisa nga si Mary Grace Tayco matapos ginpakadtuan niya sa iya abyan agud lantawon kag kilalahon.
Suno kay Tayco nga nag-post ang asawa sang iya pakaisa kon sin-o ang nakakita diri matapos nga nadula ini sang Miyerkules sang gab-i kag wala na makapauli tubtub kahapon nga adlaw.
Dugang pa ni Tayco nga iya ginlihog ang iya amiga nga lantawon ang bangkay nga nasapwan sa Sooc, Arevalo matapos iya mabalitaan kag didto iya nakumpirmar base sa pila ka mga description sang biktima.
Facebook Comments
