Pagadal-on subong nga adlaw (Pebrero 18) sa Campo Delgado ang bangkay ni Police Col. Marlon Tayaba, isa sa ginakabig Best Senior Officers sang Western Visayas.
Alas 8 subong nga aga hiwaton ang arrival Honors sa Campo Delgado para kay Col. Tayaba kag alas 7 tubtub alas 9 karon sa gab-i, magahiwat sang necrological service ang Iloilo Provincial Police Office kon sa diin nagserbe siya bilang Provincial Director sa sulod sang masobra duha ka tuig.
Buwas sa gab-I, Pebrero 19, alas 7 tubtub alas 9 ang takna, magahiwat man sang necrological service ang Regional Headquarters para sa nasambit nga opisyal.
Samtang sa Pebrero 20, hiwaton naman ang Departure Honors para kay Tayaba umpisa alas 7 tubtub alas 10:30 sang aga kag pagkatapos pagadal-on ang iya bangkay sa Pangasinan.
Nagtaliwan si Col. Tayaba sang Domingo sang gab-I sa Iloilo Mission Hospital matapos ang pagpakigbatu sa balatian nga colon cancer.
