Negusyante dakpan sa ronda, bala ug armas nakumpiska

Maasim, Sarangani Province— Nakakustudoya na sa Maasim PNP ang usa ka negusyante nga nailang si Jesser Rentura, legal age ug residenti sa Barangay Amsipit, Maasim, Sarangani Province human nga nakuhaan ug bala sa pusil sulod sa iyang panimalay atol sa gihimong operasyon alas 2:00 ang takna sa kabuntagon niadtong nakalabayng simana.

Nasayran nga una nang gironda sa kapulisan ang balay sa negusyante diin nakuhaan kini ug 7 ka bala sa 9mm nga pistola ug usa ka unit sa 12 gauge shotgun.

Tungod walay dukumentong gipresentar ang nahisgutan gidakop ug gikumpiska ang armas ug mga bala nga gikuha gikan sa iyang panimalay.


Kasong kalapasan sa RA 10591 ang giatubang sa maong negusyante.

Facebook Comments