Bangkay sang babaye nga hublas nasapwan sa Polomolok, South Cotabato.

Isa ka bangkay sang babaye nga hublas ang ginhaboy sa Purok Lunok, Brgy Upper Klinan, Polomolok, South Cotabato, alas 12 kagaina sang kaagahon, Hunyo 10, 2021.
Sa imbestigasyon sang Polomolok MPS, ang driver sang Wing Van truck kag helper sini ang nakakita sa paghaboy sang mga suspek nga nakasakay sa motorsiklo sa hublas nga lawas sang babaye sa nasambit nga lugar.
Suno kay Police Lt. Col. Alex Joe Orcajada, Chief of Police sang Polomolok PNP, wala pa nakilal-an tubtob subong ang nasapwan nga bangkay sang babaye nga malaba ang buhok kag kulot nga posible indi suno pa taga-Polomolok.
Samtang sa subong suno kay Orcajada may-yara na sila sang persons of interest sa paghaboy sa bangkay sang biktima.
Ginpahayag sang Chief of Police nga ginahulat man nila ang resulta sang eksaminasyon sang SOCO.
Sa subong padayon pa ang ila nga imbestigasyon sa nasambit nga insidente.

Facebook Comments