Bangkay sang duha ka mga treasure hunter nga natampukan nakuha na, isa nalang ang nabilin

320

SIBULAN, NEGROS ORIENTAL – Nagapadayon subong nga aga ang retrieval operation sa isa nalang ka ‘treasure hunter’ nga na-trap sa buho sang ila gina-kutkot nga duta sa Barangay Boloc -boloc.

Sadtung Enero 2 sang ma-trap sang tatlo ka mga treasure hunter sa buho nga ila gin-kutkot sa sulod sang compound ni Christine Singh.

Ang amo nga buho ang naga-dalum sang mga 30 tubob 35 metros sa diin nag-collapse naman ang duta bangud nasudlan sang tubi sang nagbuno ang mabunok nga ulan.

Kahapon sang hapon, na-recover naman ang bangkay ni Algie Javier, 28 anyus, residente sang Barangay Banilad, Bacong, Negros Oriental.

Kag sini lang nga aga narecover naman ang bangkay ni Bobby Baldado sang banwa sang Valencia.

Samtang, nagapabilin nga wala pa nakuha si Feleciano Encilay, 62 anyus, residente sang syudad sang Dumaguete.

Nahibalu-an nga wala sang permit gikan sa banwa sang Sibulan kag Mines and Goesciences Bureau ang amo nga treasure hunting activity sa amo nga lugar.

Ang tag-iya naman sang compound ang yara na sa kustodiya sang otoridad sa diin natalana ini siya pagasaka-an sang kaso may kaangtanan sa illegal mining. / DYWC RMN Dumaguete photo

Facebook Comments