Duha ka mga mananagat nga missing sang nabungguan sang ro-ro ang ila motorboat ginapangita sang coastguard

725

BACOLOD CITY – Padayon karon nga ginatinguhaan sang Philippine Coast Guard nga makita ang duha ka crew sang isa ka motorbanca nga missing matapos nabungguan sang isa ka ro-ro vessel ang ila ginasakyan kagab-i sa isa ka area sang Guimaras.

Ini sila ginkilala nga sanday Rodel Despojo, 30 anyos kag Sixto Tiangao, 30 anyos, lunsay pumuluyo sang Brgy. Pta. Taytay, ciudad sang Bacolod.

Samtang nakatigayon naman nga makaluwas ang isa pa ka sakay sang amo nga bangka nga nakilala naman kay Erwin Mansueto, 56 anyos, residente man sang amo nga lugar.

Ginpahayag nga nag-ariya sang ila pukot ang mga biktima sa baybayon sang Iguana Bank, sakup sang Guimaras kag sang may mga las 11 na kagab-i hinali lang ini nga ginbungguan sang isa ka ro-ro vessel.

Wala labot sa ginapatigayon nga search operation, ginahibalo man sang Coast Guard kon bala ano nga ro-ro vessel ang nakabunggo sa motor banca sang mga biktima./dyHB BACOLOD

Facebook Comments