Report ni: Jennifer Palomo Debaja
Nakaskedyul nga erepatriate karon sa kaagahon ang bangkay sang Ilongga OFW nga napatay sa HK matapos gin stroke sa sulod sang bus samtang magadul-ong kontani sa iya ward sa tutorial class sang Dec.1,2018.
Ginpatigayon ang last viewing sa bangkay ni Myla Shiela Caseno Soriao takna alas 3:30 subong nga hapon sa Mortuary sang North District Hospital sa Sheung Shui, Hong Kong.
Nagbuylog sa kalisud sa pagtaliwan ni Myla ang masubra 50 sang iya himata,kaabyanan kag mga Kasimanwas paagi sa pag offer sang prayer sa pagpanguna ni Father Jay Plandes, Chaplain Priest for Filipino Migrants sa Hong Kong.
Sa panaysayon sang utod ni Myla nga si Edna Soriao, mga takna alas dos sang hapon sang Disyembre 1,2018 sang nag uy oy sa sulod sang bus si Myla Shiela Caseno Soriao,41 anyos kag tumandok sang Brgy.Simsiman Calinog, Iloilo samtang madul ong kuntani sa iya ward sa tutorial class sa Fanling.
Dali dali nga gindala sang nag responde nga mga medics si Myla sa North District Hospital sa Sheung Shui kag na admit pa ini sang 20 ka adlaw apang paralyzed gid ang katunga sang iya lawas kag indi naman makahambal.
Dugang ni Edna, Disyembre 21 sang kaagahon liwat nga nag suprer sang cardiac arrest ang iya magulang nga ginapatihan amo ang kabangdanan sang kamatayon sini.
Sa koordinasyon sang employer ni Myla sa konsulado paagi sa iya agent nangin madasig ang pag proseso sang iya benepisyo kag repatriation sang iya bangkay.
Ginbilin sa kalisud ni Myla ang iya pamilya, mister kag duwa ka kabataan nga Puro lalaki kag naga edad 16 kag 20 anyos.
