Report ni: Jennifer Palomo Debaja
Duwa ka semana matapos nasapwan ang mayami na nga bangkay sang isa ka OFW nga Ilonggo sa Riyadh, Saudi Arabia, makapauli na gid man ang bangkay sini.
Ginkilala ang napatay kay EFREN SUPENA MAMBURAO JR., 32 anyos kag tumandok sang Sitio Batu, Brgy. Man-i t, Passi City.
Base sa impormasyon halin sa kaupdanan sang napatay sa gina istaran nga balay sa Riyadh, wala na ini nakabugtaw sang ila ginpukaw. Gina patihan cardiac arrest ang gintunaan sang pagkamatay sini.
Isa ka service crew sa Herfy burger chain si Efren kag naka plano na kuntani nga magabakasyon sa Enero pagkatapos sang iya kontrata.
Nahibaluan nga subang sa mag ulutod si Efren kag bread winner sang pamilya. Santu sa pahayag sang mga abyan sini, mabuot kag responsable nga tinuga si Efren kag gina kanugunan gid sang mga kaupdanan sa Saudi ang iya temprano nga pagkadula.
Naka skedyul ang pag abot sang bangkay sini sa Iloilo International Airport subong nga gab-i.
