Davao City – Gihinam-hinaman na sa mga dabawenyo ang grand opening sa usa sa mga bag-ong aktibidad sa Pasko Fiesta sa Davao 2018 nga mao ang Pasko Fiesta Salu-salo.
Sumala sa mga dabawenyo sama ni Jennifer M. Mutuc, laing food trip na usab ang ilang adtuan samtang ingon ni Talisman Rose Cruz, gusto usab niya ienjoy ang nasangpit nga aktibidad.
Subay sa schedule sa Pasko Fiesta, ipahigayon ang grand opening sa Christmas tunnel of lights subay usab sa aktibidad nga Pasko Fiesta Salu-salo diin asa dinhi usab makita ang mga lamiang ibaligyang pagkaon karong alas 5 sa hapon sa sta ana wharf.
Dugang pa sa impormasyon nga wifi zone ang area busa pwedeng makapapicture ang mga mulaag ug maka upload dayon sa ilang social media accounts diin pwedeng gamiton niini ang #PaskoFiestaSalusalo.
RadyoMaN Renz Barbarona
