Yara na sa advance state of decomposition ang isa ka lalaki sang masapwan kahapon sang hapon nga nasampay sa natumba nga puno sang kahoy sa kilid sang suba sa banwa sang Dingle, Iloilo.
Ginkilala ang biktima nga si Rogelio Porral Jr., 32 anyos sang barangay Sarague, Pototan, Iloilo.
Ginpahayag ni Police Sr. Inspector Samuel Bepenosa, hepe sang Dingle PNP nga nasapwan ang bangkay sang biktima mga alas 4 kahapon sang hapon matapos nadula ini sang Enero 16 sang gab-i matapos nagtabuk sa suba agud magbakal sang ilimnon.
Suno kay Bepenosa nga posible nalumos kag naanud ang biktima sang magtabuk sa suba bangud sa kahulugbon kag nagsang-it sa natumba nga puno sang kahoy sa kilid sang suba sa banwa sang Dingle.
Facebook Comments
