Arestado ang duha ka lalaki sa ginhiwat nga buy bust operation sang Provincial Drug Enforcement Team kag Pavia PNP mga alas 9:30 kagab-i sa Barangay Cabugao Sur, Pavia, Iloilo.
Ginkilala ang mga arestado nga sanday Andy Sause, 39 anyos sang San Mateo Village, Barangay Banago, Bacolod City, kag Jaser Galino, 24 anyos sang Barangay Libo-o, Dingle, Iloilo.
Nabaklan sang isa ka sachjet sang suspected shabu ang subject nga si Sause kag nakuhaan pa gid ini sang 30 ka sachet nga tag-isa ka libo ka pesos ang bili.
Samtang nakuha man kay Galino ang isa ka daku nga sachet sang suspected shabu nga nagabili sang 5,000 pesos .
Ginpahayag ni Police Chief Inspector Fernand Limbungan, Hepe sang Pavia PNP nga madugay na nga ginasurveillance sang kapulisan si Sause sa pagbaligya sang illegal nga druga antis ginkasa ang buy bust operation kagab-i.
