Isa ka bangkay sang wala nakilal-an nga lalaki ang nasapwan pasado alas 8:00 kahapon sang aga sa barangay Cabuling, Banga, South Cotabato.
Suno kay PCI Jardimont Sibal Chief of Police sang Banga Pnp nakit-an ang bangkay sang lalaki sa Banga river sa nasambit nga lugar nga nakasulod sa sako, nakagapos ang mga kamot, kag may agi sang kuga ang leog kag ginapatihan nga ginpaanod ang bangkay sini.
Gibabulubanta nga nagapang-edaron sang 30-anyos, 5`4 ang kataason, nakasuksok sang maong pants kag puti nga t`shirt nga may logo nga Camiguin ang biktima.
May-angot sini sa mga nadulaan sang himata magpakig-angot lang suno kay PCI Sibal sa ila ukon magpadulong lang sa Cordero Funeral Homes sa banwa sang Banga.
Sa subong nagapadayon pa ang imbestigasyon sang Banga Pnp sa nasambit nga insidente.
