Wala na sang kabuhi sang masapwan ang 26 anyos nga maestro sang John B. Lacson Foundation Maritime University (senior high) sa Arthur’s Villas sa Yulo drive, Arevalo, Iloilo City.
Ini ang ginkilala kay Mark Eden Ellaga, tumandok sang Patnongon, Antique.
Suno kay PCINSP Hilarion Roga sang Scene of the Crime Operatives (SOCO) yara na sa advance state of decomposition ang bangkay ni Ellaga.
Ginapatihan nga napatay ini 3 tubtob 5 ka adlaw na ang nakalipas.
Base sa impormasyon, June 12 sang nag-arkila sang kwarto ang maestro sa Arthur’s Villas sa balor nga P6,500/ month.
Igapaidalum naman sa autopsy examination ang bangkay sang biktima agud mahibaluan kon may foul play sa iya kamatayon.
Photo via Francis Cordova
Facebook Comments
