Report ni: Jennifer Palomo Debaja
Nakasulod na sa lungon nga gin papauli si Lorain Asuncion , ang 28 anyos nga domestic helper nga ginpatihan naglumpat sa ika22 nga panalgan sang building sa China.
Ginpatigayon sa HK ang ika tatlo nga autopsy sa iya bangkay antis gin dul ong sa HK Airport apisar 2 na ka beses ini nga gin autopsy sa China bangud nagapati ang iya pamilya nga may ara foul play sa kamatayun sini.
Base sa pahayag ni sir Danny Baldon sang Assistance To Nationals sang Philippine Consulate HK , gin palab ut sang mga forensic expert nga nag examine sa bangkay ni Girle nga indi malayu nga ang resulta sang autopsy mangin pareho man sa 2 na ka autopsy nga ginpatigayun sa China . Gina ekspektar nga maguwa na ang resulta sa sunod nga inadlaw.
Sakay sa PAL flight 301 sang Nov. 15 pa manila , gin transfer sa connecting flight pa Tuguegarao City Cagayan sang Nov.16 ang bangkay ni Loraine kg halin sa airport paga dal on sa Baggao sa ila poluy an .
Nahibaluan nga 4 na ka beses nga gindala sang amo si Lorrain sa Shenzhen agud mag limpyo sang balay sang iya amay nga nakilala kay Liu Heping.
Takna alas 9:30 sang Hulyo 23 gin pahayag nag tawag sa police si Liu agud ereport ang pagkadula ni Lorain apang ang mga gamit nabilin man sa iya balay. Pagka aga sa amuman nga takna nag tawag liwat ini sa police agud ipahibalu nga nakita na ang bangkay ni Lorrain sa garden lobby sang ila building.
Samtang, padayun ang pag imbistigar sang HK police sa mga amo ni Lorrain nga sanday Gu Huaiyu kg Ms .Liu kg naka skedyul naman ang mga ini nga mag report sa police headquarter antis matapos ang Disyembre subong nga tuig.
