Compostela Valley – Wala pa matumbok sa kapolisan sa Montevista ang motibo sa pagpusil patay sa usa ka mekaniko kagahapon sa hapon sa Poblacion, Montevista, Compostela Valley Province.
Subay sa record sa kapolisan sa Montevista, ang biktima giila nga si Ryan Baluran, hamtong ang edad, mekaniko ug nagpuyo sa Purok 3, Barangay Pobalcion, Montevista, Comval Province.
Sumala pa alas 4:00 ang takna sa kahaponon samtang nagrepair ug motorsiklo ang biktima sa ilang lugar, kalit na lamang giduol sa usa ka wala mailhing lalaki ug gipusil nga miresulta sa iyang kamatayon. Human sa pagpusil ang suspetsado gilayon kining misakay sa usa ka motorsiklo nga nagpaabot sa atbang nga bahin dayon eskapo.
RadyoMaN Jules Catisay
Facebook Comments
