Bangod gid lamang sa tambutso sang motor, hepe sang Siaton police station ginrelieve

99

Siaton, Negros Oriental – Ginrelieve na bilang hepe sang Siaton Police Station si PCInsp. Barry Villalobos matapos nga ginpaluhod niya ang iya nadakpan kag gin-tuon ang dulunggan sini sa tambutso sang nagaandar nga motor.


Nakilala ang tag-iya sang motor kay Gerbie dela Cruz, sa diin suno kay Villalobos madamo na sang reklamo nga nabaton ang pulisya kontra motorcycle driver ilabi na ang matunog nga pagburhot sang iya motor na nagatuga naman sang kagahod.


Nakuhaan ini sang video rasun nga nakit-an nga indi insakto ang pamaagi sang hepe sa pagdisiplina sa biktima nga daw kaangay lang nga ginbutang ni Villalobos ang kasuguan sa iya kamot.


Mahimo nga matigayon ang inbestigasyon sa hepe bisan wala sang tagreklamo sa diin pwede siya mapahalin sa serbisyo sa iya ginhimo. /dyHB-Bacolod

 

Facebook Comments