Bangod na-impito, lalaki ginlabu ang panday sa Passi

PASSI City – Patay na sang nasapwan kaina sang aga sa higad sang karsada sa Barangay Dalicanan, Passi City ang 48 anyos nga panday nga ginkilala kay Jocil Aguilar.

Pilas sa ulo kag bitas na ang tu-o nga dulunggan ni Aguilar sang masapwan kaina sang aga sa nasambit man nga lugarr.

Ang suspek ginkilala naman kay Bonifacio Espinosa, 63 anyos kag pumuluyo man sang amo nga barangay.


Base sa imbestigasyon sang Passi city PNP, nagsuya-ay kag nagsumbaganay ang biktima kag ang suspek bangod sa indi pag-intindihanay may kaangtanan sa ila trabaho.

Nagsurrender naman sa otoridad si Espinosa kag gin-aku nga siya ang naglabu-patay sa biktima sa rason nga na-impito ini kay Aguilar.

Pctto

Facebook Comments