BANATE, Iloilo – Problema sa gugma ang ginatudlo rason sa pagpanginmatay sang isa ka 32 anyos nga lalaki sa banwa sang Banate, Iloilo.
Suno kay Police Captain Genesis Roque, Chief of Police sang Banate Municipal Police Station, las 7:45 kaina sang aga sang nakabaton sila sang tawag gikan sa isa ka informat nga may naghikog sa Barangay Talokgangan, Banate, Iloilo.
Sang ginpadulungan sang Banate PNP, nakit-an ang lalaki nga may higot sang kalat sa liog.
Gindala pa ini sa Barotac Viejo District Hospital apang gindeklara sang doktor nga dead on arrival.
Ginpahayag ni Roque nga kalat ang gingamit sang biktima sa paghikog sa diin ginhigot niya ini sa balayan sa likod sang kusina sang balay.
Santu sa imbestigasyon sang PNP, gugma ang ginalantaw nga rason sang paghikog sang biktima sa diin antes natabo ang paghikog, naghambal pa ang biktima nga ang iya panyapon amo na ang iya ‘last supper”.
Sa interview sang RMN Iloilo sa hinablos sang babaye nga naluyagan sang biktima, ginpahayag sini nga indi mabaton sang biktima nga nagbulaganay na sila sang babaye nga iya ginapalangga.
Nahibaluan, ang babaye nga ginapalangga sini naglakat sa abroad kay may bana na kag bata.
Ssuno kay Captain Roque, nagpahayag na ang pamilya nga indi sila interesado nga ipa-autopsy ang bangkay sang 32 anyos nga lalaki.
Photo from web
