Bukol sa agtang,lagub sa butkon,palanakit sang abaga kg kilid tuga sang pag maltrato sang live in partner sang amo nga Intsik ang pila guid lang sa adlaw adlaw nga gina agum sang isa ka pinay sa sulod sang 3 ka tuig.
Natigayun ang pag rescue sang Nobyembre 9 kanday Lanie Grace Rosareal ,27 anyos kg Rowela Suete ,36 anyos sa bulig sang ila abyan kaupod ang The Sun contributor nga si Rodelia Villar kag gilayun nga gindala ang 2 ka pinay sa POLO office sang Konsulado agud maka file sang reklamu batuk sa amo.
Enero 24,2014 sang nag umpisa ubra si Lanie sa iya amo nga si Leung Sher~ying 65 anyos sang The Grandiose sa Tsueng Kwan O. Base sa panaysayon sini ,indi basta basta nga pang maltrato ang iya naagihan sa live in partner sang amo nga gin kilala kay Au Wai~chun. Gina paluhod ini siya kg gina pa bunggo ang ulo sa salog kon may masawayan sa iya ubra. Masami nga indi kuntento ang Au sa kahinay sang pagbunggo sang ulo gani dugang pa nga ginatapakan sini ang likod ni Lanie.
Likum sa ihibalu ni Lanie nakasuhan na gali ang live in partner sang amo kg naconvict na ini sang Setyembre 1,2014 sa pag panakit kg pag sunog sa Bangladeshi maid paagi sa pag bubu sang mainit nga tubig sa lawas sang timbang.
Dugang nga pahayag ni Lanie,luwas sa pag panakit sang live in partner ni Leung gina buhinan pa gid sang amo ang sweldo sini bilang multa sa mga kasaypanan sa ubra.Ehemplo sini ang deduction sa bulan sang Oktubre nga nagdangat sa $7,670.
Sa edalum sang HK Labour Law indi mag subra sa $300 ang pwede lang emulta sang amo sa sweldo sang iya ka domestic helper kada bulan.
Daku nga blessing kay Lanie ang pag hire sang nagligad nga bulan kay Rowela ,isa ka nursing aide agud mag atipan kay Au nga naga suprer sang spinal cord injury. Sang nakita ni Rowela ang pag maltrato kay Lanie ginreport niya ini sa iya agency kag nangin rason naman nga pati sya gina akigan na kag pirmi gina singgitan ni Au.
Kabahin sa labor claims nga gin file ni Lanie sa iya amo ang 6 ka bulan nga sweldo nga naglab ut sa $31,500 one month liue of notice $4,210, severance fee $10,600 plus food allowances kg return airfare .
Kon ngaa naglab ut sa 3 katuig ang iya gin antus , suno kay Lanie ginpahog man ininga kasuhan sang theft bangud gingamit sini ang $28 sa octupos card sang amo sa pagbakal sang pagkaon sang ginsugo ini sa gwa kag gingutom.
Ari ang kabahin sang pahayag ni Lanie sa interbyu sang The Sun
” Ewan ko ho ba kung bakit pumayag nalang ako na saktan niya,sabi din niya nawawala yung sakit na nararamdaman niya kapag nasasaktan niya ako.”
Gin pa edalum na sa watchlist sang POLO office sa konsulado ang amo ni Lanie agud indi na maka kuha pa sang timbang sa palaabuton.
Naga laum nalang ang 2 ka pinay nga matapos na ang kaso sa amo agud maka kita na sila sang bag o nga trabaho.
