Sa mosunod nga tulo ka tuig, paningkamotan sa gobyerno nga tukoron pag-usab ug dili lamang ayuhon kun i-repair ang mga edipisyo, panimalay ug kinabuhi nga gilubok ug maayo sa mga bombang gikan sa Maute ingon man sa pwersang militar.
Sa regular media conference sa palasyo sa Macalañang, gipa-ambit ni Romina Marasigan sa ‘Task Force Bangon Marawi’ nga gihikyad na nila ang masterplan alang sa rebuilding mientras gilaumang tak-opan na sa kasundaluhan ang operasyon gitumong sa pag-liberate sa Islamic City.
Dugang ni Marasigan, unang hatagan ug prayoridad sa ilang hut-ong mao ang pag-establisar sa mga ‘transitional shelters’ alang sa mga ‘internally-displaced peoples’ kinsa na-dislokar gumikan ning gyera nga kapin usaka gatus ka adlaw nang nihasol sa maong dapit sa habagatan.
Kritikal usab nga component sa rehab plan mao ang pag-instalar ug livelihood opportunities haron makabaton ug sufisyenteng panginabuhian diha sa pag-mainstream pagbalik sa mga apektado ngadto sa bag-ong komunidad gikan sa mga gidanyos sa gubat dala sa terorismo, dugang ni Marasigan.
RadyoMan June Duterte
