Dao, Capiz- Posible ang kalain sang buot amo ang nagtulod sa 25-anyos nga lalaki nga utason ang kaugalingon sini nga kabuhi matapos nga ini ang nasapwan na lamang nga nagabitay sa puno sang mangga sa banwa sang Dao.
Ginkilala ang biktima kay Ronel Diaz, 25-anyos ang pang-edaron kag residente sang Brgy. Daplas, Dao, Capiz.
Suno sa imbestigador sang Dao PNP nga si PO2 Micheal Aguiling, ginkakibot na lamang sang pamilya sini sang nasapwan nga nagabitay ang lawas sang biktima sa puno sang Indian mango kag wala na sang kabuhi.
Nahibaluan nga antes ang insidente, gin-akigan ini sang iya iloy kabangdanan nga ini ang naglayas kag sang Domingo lamang nga adlaw nagpauli.
Kumbinsido ang pamilya sang biktima nga wala sang foul play sa kamatayon sang biktima.
