Report ni: Jennifer Palomo Debaja
Bangkay na nga nakit-an ang isa ka OFW sa Singapore matapos gina patihan naglumpat halin sa balcony sang building nga iya gina obrahan sang Hulyo 24, 2019.
Ginkilala ang biktima kay Cely Estrella, 37 anyos, bulag sa bana kag tumandok sang Concepcion, Solano, Nueva Vizcaya.
Nahibaluan nga nag abot sa Singapore ang OFW sang Nobyembre 18, 2018.
Sa nabaton nga impormasyon ni OIC Regional Director Luzviminda Tumaliuan sang Overseas Workers Welfare Administration (OWWA) Region 2 antis naghikog ang biktima, nakita pa ini nga naga live sa social media mga alas otso sang aga apang nautod ang live kag takna alas 8:30 nakabaton nalang sang balita ang pamilya nga patay na ang OFW.
Samtang nagpahayag naman si OWWA Administrator Hans Leo Cacdac nga ginaasikaso na ang pag repatriate sa bangkay ni Estrella.
May ara naman koordinasyon ang gobyerno sa Singapore agud mahibaluan ang rason sa pagkapatay sang OFW.
Nagpasalig naman sang bulig ang OWWA sa pamilya sang biktima para sa mga benepisyo bilang miyembro sang OWWA kag asta makabalik sa Pilipinas ang bangkay sini.
