KALIBO, AKLAN — Padayon nga ginabueong sa Aklan Provincial Hospital ro sangka eaeaki matapos nga makaangkon it tama it pagabuno sa anang likod tag imaw bun-on ko ana man nga kainuman sa Magdalena Village, New Buswang, Kalibo Aklan kaina it aga-aga.
Nakilaea rong biktima nga si Abet Magsisi, 39-anyos ag residente it Acevedo St., Kalibo samtang rong suspek hay nakilaea man kay Christian Barbono, 32-anyos ag taga Bakhaw Sur, Kalibo.
Sa imbestigasyon it Kalibo PNP naga guwa nga magkaibahan nga naga inuman rong daywa kaina tag may nagpatunga nga mainitang diskusyon ag bangud sa mga hilong eon hay binuno it suspek ro biktima gamit ro kitchen knife.
Sa makarun hay naka kulong eon si Barbono sa lock up cell it Kalibo MPS matapos nga bulontaryong mag surrender ag magapangatubang it nagakaigong kaso.
Bangud sa diskusyon, eaeaki binuno it anang kainuman
Facebook Comments
