Pila ka negosyo sa Kalibo nga uwa naga sunod sa business permit ginatutukan eon it LGU

Ginatutukan eon makaron it LGU Kalibo ro mga negosyo sa daya nga banwa nga uwa naga sunod sa anda nga ging buoe nga business permit.

Daya hay matapos nga matukiban nga pilang ka negosyo sa Kalibo kapareho it mga naga baligya it motor parts ag mga accessories sa saeakyan hay uwa gasunod sa nakabutang sa andang ging aplayan nga permit.

Suno kay Mary Gay Joel, Traffic Operations Officer II, base sa anda nga monitoring bangod sa traffic scheme sa Kalibo nasayuran nga may mga negosyo nga ro anda nga permit hay naga baligya eamang pero natukiban nga naga ayos man sanda it mga saeakyan sa anda mismong establisyemento rason nga naga tuga raya it pagkagutok sa karsadahon.


Sa daya suno nga dahilan hay naga dugang raya it trapik sa Kalibo dahil may una nga mga naga ayos it mga saeakyan nga sa karsada eon gina himo o kaya hay sa side walk nga dapat aeagyan it tawo.

Samtang ging paabot eon nana raya nga problema sa Zoning Department ag sa naga tao it permit kung siin nakataeana man daya nga istoryahan sa Session it SB sa masunod nga dominggo.

Facebook Comments