Kalibo, Aklan — Nakaangkon it tama it pagbuno rong manghod matapos nga bun-on ko anang magueang sa Sitio Pang-Pang, Brgy. Mabilo, Kalibo, Aklan kabii.
Ro biktima nakilala kay Doblen Pelayo, 28-anyos ag nakaangkon it tama sa waeang hita, samtang rong suspek hay nakilaea kay Philip Pelayo, 32-anyos tanan residente it nasambit nga lugar.
Sa report nga nakabaton it tawag ro Kalibo PNP halin kay Punong Barangay Ranie de Felipe nga naga pangayo it police assistance ay may natabo nga pagpamuno.
Sa imbestigasyon naga guwa nga rayang biktima hay hilong ag naga panggulo ngani gin ingaan imaw ko anang magueang ugaling uwa magpati ag may diskusyon nga natabo ag hinaboy it bato ro anang magueang rason nga raya hay nagsukoe ag binayo ro biktima sa kilid ag binuno.
Sa makaron hay padayon nga ginabueong sa Provincial Hospital rong biktima samtang rong suspek hay detained sa lock up cell it Kalibo PNP.
