Libacao, Aklan – Lastro sa itsura rong naangkon it gumankon matapos nga linabo ko anang tiyo kabii sa Sitio Mayubay, Guadalupe, Libacao, Aklan. Rong biktima nakilea kay Rodelio Cimatu, 27-anyos samtang rong suspek hay ana man mismo nga tiyo nga si Celestino Turnino Jr., sa tamang edad ag tanan residente it nasambit nga lugar. Base sa report it Libacao PNP nga kaibahan man rong daywa nga nag-inuman kabii sa baeay it suspek ag ko ulihi hay may nagpatunga nga uwa pag intindihan sa daywa ag natabo rong pagpang eabo. Base man sa pamilya it biktima nga nagabantay sa hospital hay parte sa eogta ro gin diskusyonan ko daywa. Sa makaron hay padayon nga ginabueong rong biktima samtang rong suspek nagapabilin nga at-large.
Facebook Comments
