Boracay – Nakaangkon it tama it pagbaril rong mag-ina matapos nga barilon kabii sa Sitio Pinaungon Ibabao, Balabag, Boracay.
Nakilaea rong mga biktima ng sanday Liberty Asuncion, 50-anyos ag Edwin Asuncion, 21-anyos tanan residente it nasambit nga lugar.
Basi sa imbestigasyon it mga kapulisan nga kabii hay nag-adto ro mag-ina sa kusina it andang baeay tag gulpi sanda binaril it mga security guard.
Ap-at rong gina sugid nga nagbueoligan para barilon rong mag-ina.
Ro nasambit nga gwardya nga imaw gid rong nagpaeopok hay si Generoso Agduganan, 54-anyos taga Kumalarang, Zamboanga del Sur samtang ro anang mga kaibahan hay Sanday Sonny Boy Roquero, 45-anyos it Valderama, Antique; Romeo Villarias, 38-anyos ag naga istar sa Tapuz Compound sa isla nga insigida mang naaresto ag rong at-large nga si certain Marlon or Tatang, 50-anyos.
May na-recover man nga fired cartridge it 12 gauge shot gun sa area.
Sa makaron rayang si Liberty hay naka confined sa sangka pribadong hospital iya sa banwa it Kalibo ag ro anang unga hay sa sangka pribadong hospital sa Boracay.
Sa makaron hay padayon pa raya nga gina imbestigahan it mga kapulisan.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARDiG7F5xC5yx3M_EbzVVUwhC9gx33qaLCln7fNwss5H6qIOhslYbBQ_srxWQsHx8VowiehmK71fg3UBm1kNhYPGTGsQgJ2RILl_Zh-yjf1JOmp563R_…>
