Tungod wala gina sabat sang iya live in partner nga babaye ang iya mga texts kag calls halin kagab-i kag dala sang kahulugbon, nadesisyunan ni alyas “Toto”, 32 anyos kag tumandok gid sang Guimaras nga utason ang iya kabuhi sa isa ka barangay sa banwa sang Leganes.
Suno sa kay PSInsp. Dadjie Delima, hepe sang Leganes PNP nga nag hikog sa truck si alyas Toto possibly kagab-e pinaagi sa pag balighot sang seatbelt sang Wing van truck nga naka garahe sa iya liog kag nag lumpat.
Alas 5:30 na subong nga aga sang masapwan ini nga naga kabit kag wala na sang kabuhi.
Dugang pa sang pulis nga damu sang naka record nga tawag kag text si alyas toto sa iya live in humalin pa kagab e apang wala gid ini nagasabat.
Antes utason ang iya kabuhi, nagpadala ini sang text message nga naga siling ‘MOMMY HULATON TA IKAW SA PIYAK NGA KINABUHI’.
