Jamindan, Capiz – Patay ang isa ka persona matapos nga ginbuno sang kaupdanan sini sa pag-inum ala una sang hapon sa Sitio Nag-uring Brgy Agambulong, Jamindan Capiz. Nakilala ang biktima kay Dennis Orocio, 26-anyos sang nasambitan nga lugar. Ini ang nag-angkon sang patal nga pilas sa iya nga tiyan. Base sa imbestigasyon sang kapulisan, magka-upod sa pag-inom ang biktima kag suspek nga si Sonny Focbit sang nagluntad ang komosyon sa tunga sang mga ini kabangdanan sang paggabut sang kutsilyo sang suspek kag ginbuno ang biktima antes nga nagpalagyo. Gindangat pa sa Mambusao District Hospital ang biktima nga si Dennis Orocio apang ini ang gin-anunsyar nga ginbawian sang kabuhi samtang ginabulong. May yara na sang ginpapanaog nga reward money nga P50, 000 pesos ang pamilya sang biktima sa sin-o man nga makatudlo sa nahamtangan sang suspek.
