Nakaagum sang pilas sa wala nga dughan ang isa ka lalaki matapos ginbuno sang iya man lang abyan sa Sitio Gis-an, Brgy. Molina, Tubungan, Iloilo kaina sang kaagahon, hunyo 18.
Ginkilala ang biktima kay Richard Taboasares, 29 anyos sang Brgy. Lanag Norte, Tubungan samtang ang suspek ang ginkilala kay Domingo Eupan sang amo man nga lugar.
Suno kay Police Capt. Eleazar Lemacosa sang Tubungan MPS, lunsay gin-imbitar sa kahiwatan ang mag-abyan apang samtang naga-inum-inom, nagluntad ang pagbaisay tubtob ginbuno sang suspek ang biktima.
Padayon nga ginabulong sa Western Visayas Medical Center ang biktima samtang naghiwat naman sang hot pursuit operation ang Tubungan PNP agud madakpan ang suspek nga gilayon nagpalagyo matapos ang insidente.
Facebook Comments
