Taas nga dengue cases natala sa upat ka barangay

Davao City – Natala karon ang taas nga kaso sa dengue sa upat ka mga barangay sa syudad sa Davao.

Sa pakighinabi sa DXDC RMN Davao kang Ernie N. Cequina, usa ka nurse nga na-assign sa Tropical Division sa City Health Office (CHO) – Davao City, gikumpirma niini nga natala kini sa Bucana, Talomo, Buhangin ug sa Agdao ning syudad.

Segun ni Cequina nga nagpadayon karon ang ilang ginapahigayong preventive measures sama sa ginahimong soaking ug fogging sa mga barangay ingon man pagpahigayon og lecture sa komunidad ug mga eskwelahan aron sa pag-edukar sa katawhan labot sa paglikay sa maong balatian.


“Ato gyung gina-educate ang community kay dili man gyud ni kayahon sa City Health og kami-kami ra ang muhatag og pagtagad ani. Kinahanglan gyud namo ang kooperasyon sa matag tagbalay aron sila pud makahatag pud og preventive measures,” saysay ni Cequina.

Sa datus sa CHO, misaka ang kaso sa dengue gikan sa bulan sa Enero hangtud sa Mayo karon nga tuig. Mi-ubos man ang kaso sa dengue sa Hunyo apan dili gihapon sumala pa mokumpyansa labi na sagunson na ang nasinatiang mga pag-ulan.

RadyoMaN Kirby Manzon

Facebook Comments