Roxas City, Capiz – Pilason ang 21- anyos nga mangingisda matapos ini ang ginbuno sang kaparehu nga mangingisda sa Libas Fishing port pasado alas 3 sang hapon bangud sa pagpangimon.
Ang biktima ang ginkilala kay Jhon Art Candelaria, residente sang Purok Uno, Barangay Libas Roxas City.
Samtang ang suspek ang ginkilala kay Marcel Sioco, 26-anyos, mangingisda kag kahilapit sang poluy-an sang biktima.
Suno sa inisyal nga imbestigasyon ni Police Staff Sargeant Gamen Unarce, nagapanilong sa may restaurant ni Paquito Alisasis ang amo nga biktima sang ini ang ginpalapitan sang suspek kag hinali nga ginbuno sa a aga kag likod.
Ginalantaw nga motibo dugay pagdumtanay sang suspek kag biktima bangud sa pagpangimon.
Suno sa suspek nagapati ini nga may yara sang relasyon ang asawa sini kag ang biktima. Ginapahayag nga personal nadakpan ni Marcel Sioco ang iya asawa kag ang biktima nga si Jhon Art Candelaria.
Sa subong yara na nakahunong sa karsel sang Roxas City Component Police Station ang suspek matapos ini ang nadakpan sang mga nagresponder nga residente nga katapo sang tanod.
Samtang ang biktima ang padayon nga ginabulong sa Roxas Memorial Provincial Hospital.
