Ibajay, Aklan – Nakaangkon it multiple hack wounds rong sangka eaeaki matapos nga linabo kahapon it hapon sa Sitio Atason, Naisud, Ibajay, Aklan.
Nakilaea rong biktima kay Ricky Sastre, 47-anyos samtang rong suspek nakilaea kay Joven Olid, 55-anyos tanan residente it nasambit nga lugar.
Suno sa biktima nga kahapon samtang naga paadto imaw sa bukid para kunta magpananggot apang pag-agi nana sa may baeay it suspek anang napan-uhan nga ginabantayan tai maw it suspek ag may bitbit nga sanduko.
Pagkakita na, insigida imaw nga dumaeagan ugaling imaw haabutan ag natumba sa eanas ag dikato rayon imaw gin bakas it eabo ko suspek.
Ana nga matandaan suno kana nga ku nagtaliwan nga dominggo hay rayang suspek gin pabarangay it biktima bangud nga rayang suspek hay may sanggutan nga nahamtang gid sa aeagyan it mga pumueoyo kung sa siin may mga higko una ag natatamsakan pa ro iba kung mag agi kung nagapananggot daya.
Ginhinyo it biktima nga kung pwede hay ana eon lang nga aywanan ag bue-an it saeod agod indi makaperwesyo sa iba.
Nasayuran nga rayang suspek hay maoy man kon makainum.
Una nga gindaea ro biktima sa Ibajay District Hospital pero ko ulihi imaw ra hay gin refer sa Aklan Provincial Hospital para sa nagakaigo nga pagbueong.
Samtang sa ginpatigayon nga follow up kung mga kapulisan sa lugar hay nadakpan rong suspek ag posible magapangatubang it kaso bangud nga porsigido magpasaka it kaso ro biktima.
