Roxas City – Padayun nga ginabulong sa ospital ang isa ka misis matapos gin buno sang mister sini sa sulod sang ila puluy-an sa Barangay Bago, Roxas City mga ala 1:00 sang kaagahon.
Ginkilala ang biktima nga si alyas “Jenny”, nagatrabaho sa isa ka kalan-an sa sulod sang mall.
Ang suspek nga bana sini, ginkilala sa kay alyas John, 43 anyos, isa ka electrician.
Base sa imbestigasyon, madugay na nga nagaduda ang suspek nga may ara sang iban nga nagadul-ong sa iya misis sa tagsa ka gab-i sa ti-on nga magpauli ini nagikan sa trabaho.
Antes nagluntad ang pagbuno ni mister kay misis, naaktuhan sini nga may nagdul-ong nga lalaki nga sakay sa motorsiklo sa iya asawa nga ginkaakig sini.
Nagluntad ang mainit nga pagsabtanay kag pag-inaway sang duha nga nagresulta sa pagbuno sang suspek sa biktima gamit ang kutsilyo.
Nag-angkon sang pilas sa liog kag butkon ang misis kag madasig nga gindala sa ospital.
Handa naman nga magpasaka sang nagakaigo nga kaso si misis batuk kay mister.
photo from web
