Madalag, Aklan – Patay rong sangka 50-anyos nga mister matapos nga magbigti kabii sa Brgy. Catabana, Madalag, Aklan.
Ro nasambit nga mister hay tubong Sipalay City, Negros Occidental ag may ana nga live-in partner sa nasambit nga barangay sa Madalag.
Sa eksklusibo nga pakikipag-angot it RMN DYKR Kalibo News Team sa 46-anyos nga live-in partner it biktima nga may mga tatlong dominggo eon sanda nga naga away-bati bangud nga naga senilos rong biktima.
Permi raya nga naakig sa misis ag ginapilit na nga may ibang eaeaki raya mag-eowas kana nga ginpamalibaran man it misis.
Suno kana nga ro anang naging eaki sa kabuhi hay ro una na nga asawa nga tatay ko anang mga unga pero kabuhay eon sanda nga bueag ag dayon rayang biktima. Rayang biktima may asawa man nga una ag mga unga.
Uwa man imaw suno kana naga panaw permi ay una malang imaw sa baeay, ag kon may mga meeting malang mana ako sa 4Ps naga panaw ag ginadaea naman ro biktima agod uwat mahambae, pero kon amat mana hay may nakaka istorya imaw nga mga kaigkamporan na ag kon makita it biktima pag-abot sa andang baeay gina away dayon imaw kon sa siin sang beses hay nahahambaean na ro biktima nag kon mayruyon kat-imo mana hay pag-uli lang sa inyo.
Kabii ro natabo hay nag-inum rong biktima ag tag dali lang raya maubos hay gin-agaw ko misis ay hilong eon ro biktima ag nagpahuway uwa naman gina eauman nga magpakamatay gid rong bikitma.
Mga alas 10:00 kabii tag makit-an ro biktima it misis nga nagabitay sa andang panumbaeayon, nakahigot rong li-og it eobid ag nakahigot man sa baeayan.
Nakakita it sanggot ro misis dayon dali-dali na nga ginbag-eot ro eobid ag nahueog ro biktima, gin utod na man ro eobid sa li-og it biktima ay tuman kahugot.
Matapos raya, insigida imaw nga nag report sa sambilog sa mga Kagawad sa lugar dayon nag report sa Madalag PNP.
Samtang sa pakikipag-angot mat-a it News Team kay PSSgt. Jomark Donato it Madalag PNP nga nabaton nanda rong report mga alas 12:45 kaina it aga-aga.
Insigida man nanda nga gin-inform rong MDRRMO Madalag ag nag adto sa area. Pag-abot idto hay tuman ka dueom rong lugar ginbuoe ro eawas it biktima, ginkarga sa ambulance ag gindaea sa hospital sa banwa. Mga ala 1:00 rong aga-aga naabot sa hospital at gindeklara it doktor nga nag atender sa biktima nga Dead on Arrival raya.
Nasayuran man nga rayang biktima hay mag tatlong dag-on pa eang naga istar sa Catabana ag ko 2018 nag-uli raya sa Sipalay ag ko rayang buean it September hay nagbalik raya iya sa Aklan ag dikara eon na obserbahan it misis ro anang pag senelos, naga ininum ag permi naga hambae nga magapakamatay.
Sa makaron hay una eon ro bangkay sa sangka punerarya ag igapaidaeom sa post mortem examination ag kung naga duda pa gid ro misis nga may foul play hay maga resquest man ro Madalag PNP it autopsy examination.
#TatakRMN <www.facebook.com/hashtag/tatakrmn?fref=mentions&__xts__%5B0%5D=68.ARD_NqeIR1w5aQXJfk-Qd3UqOdLyiw-K5U8cDNOisgBaHWya7k-jaA2VJg9JhnSGRYedsz1z89IjUyQjIRfOGPDEyImxhzw-rkXgFYb1lgwcelC45FAZi2tlg1D2Ywvj3-B…> #RmnExclusive <www.facebook.com/hashtag/rmnexclusive?fref=mentions&__xts__%5B0%5D=68.ARD_NqeIR1w5aQXJfk-Qd3UqOdLyiw-K5U8cDNOisgBaHWya7k-jaA2VJg9JhnSGRYedsz1z89IjUyQjIRfOGPDEyImxhzw-rkXgFYb1lgwcelC45FAZi2tlg1D2Ywv…>
