Kalibo, Aklan – Ginpatigayon kaina rong showdown inspection sa mga kapulisan sa Aklan Police Provincial Office (APPO) kaibahan eon rong mga miyembro it Provincial Drug Enforcement Unit (PDEU) ag sa mga intelligence.
Suno kay Police Corporal Jane Vega, Public Information Officer it Aklan PPO nga rayang inspection hay bukon eamang it sa Provincial Headquarters ginpatigayon kundi pati man sa tanan nga mga Municipal Police Stations sa Aklan.
Raya nga pagpatigayon it inspection hay basi man sa mandato it andang Regional Director nga dapat hay maging istrikto sanda sa implementasyon it internal cleansing nga gina umpisahan sa pag check it andang mga uniforms nga kung sa siin tanan nga luma, faded ukon kupas ag dilapidated nga mga uniforms hay gin confiscate.
Ro nasambitan nga pag inspection hay ginpangunahan ni PLTCOL. Jacob Crisostomo ro Deputy Provincial Director for Administration.
Ginatinguhaan gid sa aton nga mga kapulisan pati eon ro mga dali lang mag retire nga police personnel nga gina required gid nga magsoksok it tamang uniporme kapin gid kon naga guwa sa tagsa-tagasa ka mga opisina.
Samtang, sa adlaw nga Lunes sa flag raising ceremony igapatigayon man rong proper disposal it mga naka confiscate gamit it mga kapulisan kung sa siin hay pagasamaron ag dayon nga ieobong bangud nga indi man raya pwede ipanao ag ipagamit sa iba, indi man pwede nga ubrahong trapo rong mga uniporme dahil may nagakaigo man nga charges nga pagapangatubangon ro mga PNP personel kon uwa sa tama ro pag dispose nanda kara.
Nagpadumdom man si Vega sa iba nga mga bukon it miyembro it PNP ag naga gamit it uniporme ko PNP hay ginadumilian gid bangud nga masakit man sa andang parte ay bago sanda nakasoksosk sa anda ngaron nga uniporme hay grabe man nga kalisod ro andang naagyan, eoha nga nauyang ag struggle tapos hay basta eang nga isoksok ko iba.
