Patay ang 22 -anyos nga babate matapos magbitay sang iya kaugalingon bangud sa sobra nga pagpangimon sa iya live-in partner.
Wala na makalab-ot nga buhi sa ospital ang biktima nga ginkilala lamang kay alyas Pau.
Suno kay alyas Toto, live-in partner sang biktima nga masami sila naga-away bangud sa pagpangimon sang babaye ilabi na ang masami niya nga pagbisita sa iya bata sa nauna niya nga partner.
Ginpahayag pa ni alyas Toto nga antis magbitay ang biktima, nag-away pa sila bangud iya natukiban nga may chatmate ini nga iban nga lalaki kag sini lamang nga gab-i nasapwan sini nga nagabitay na sa ila gina-rentahan nga apartment ang babaye.
Igapaidalum naman sa autopsy ang bangkay sang biktima agud matumod kon may foul play ang kamatayon sini.
