Kalibo, Aklan — Patay rong sangka eaeaki matapos mabun-an kabii sa sangka namatyan sa Brgy. Ondoy, Ibajay, Aklan.
Ro biktima nakilaea kay George Ascaño, 30-anyos nga nakaangkon it tama it pagbuno sa tiyan samtang rong suspek nakilaea mat-a kay Rosanie Borres, 46-anyos tanan residente it nasambit nga barangay.
Suno kay PO1 Donald Alvarado it Ibajay PNP naga guwa sa andang imbestigasyon, nga samtang rayang biktima ag suspek hay una sa sangka namatyan naga sugae may nagtuhaw nga uwa it pagka intindihan kanday Borres ag sa sambilog pa nanda nga kaibahan kung sa siin si Ascaño hay nagpatunga agod awaton ro daywa ugaling imaw ro habun-an.
Insigida man nga gindaea ro biktima sa Ibajay District Hospital ag bangud sa fatal rong tama gin refer daya sa Aklan Provincial Hospital para mataw-an pa gid it nagakaigo nga pagbueong ugaling kaina it mga ala 1:00 rong aga-aga hay ginbawi-an raya it kabuhi.
Nadakpan man eagi ro suspek ag makaron hay naka detained eon sa lock up cell it Ibajay MPS ag posible nga magapangatubang it kasong homicide.
Nasayuran nga hilong si Borres tag matabo rong insidente.
