BANGUD SA SUGAL | Apo, pilason matapos nga nabon-an sang mismo lolo sini sa Brgy. Caridad, Jamindan!

Jamindan, Capiz- Pilason ang 32-anyos nga apo sa Brgy. Caridad, Jamindan, Capiz matapos ini ang ginbuno sang mismo lolo takna alas 12:30 subong lamang nga kaaganhon Hunyo 22, 2018.
Ginkilala ang biktima kay Jobert Nobleza y Valiente nga nag-angkon sang pilas sa iya tiyan sang ginbuno sang suspek nga si Condrado Valiente, 68-anyos ang pang-edaron.
Suno sa imbestigasyon sang mga kapulisan, hubog ang amo nga mga persona samtang nagahangpang sang sugal nga Lucky-9 sa isa ka namatyan sa lugar.
Nagluntad ang komprontasyon sa tunga sang mga ini matapos nga wala nabutangan sang burn ang baraha nga ila ginahampangan.
Ginpapa-uli na lamang ang suspek apang ini pa ang ginsunod sang biktima gani nga didto na natabo ang pagbuno sang lolo sa mismo apo sini.
Yara na subong nakahunong sa lock up cell sang Jamindan PNP ang 68-anyos nga suspek.

Facebook Comments