Bangud sang tubig sa baso, lalaki ginbuno sang bayaw nga may deperensya sa paminsaron

Mandurriao , Iloilo City- Nakaangkon sang madamo nga kapilasan si Rumabelle Pano, lalaki, 26 anyos matapos ginbuno sang iya bayaw nga may deperensya sa paminsaron nga si Richard Flora, 30 anyos sa Brgy. Bolilao , Mandurriao , Iloilo City alas 8:32 kagab-i.

Una diri , nabatian ni Jessica Didal, 21 anyos nga ginapamangkot sang iya live-in partner nga si Rumabelle ang iya step brother nga si Richard kon bala iya gin-inom ang tubig sa baso.

Sang iya gintan-aw ang duha, ginabuno na sang suspek sang makapila ka beses ang biktima.


Gilayon nga nagresponde ang kapulisan kag natigayon nga madakpan ang suspek samtang gindala sa Western Visayas Medical Center ang biktima.

Sa pagpangusisa sang kapulisan, gintu-ad ni Jessica nga may deperensya sa paminsaron ang iya step brother kag nalipatan sini nga mag-inom sang bulong.

(photo from web)

Facebook Comments