Security Plan alang sa Flom’lok Festival- Ginahan-ay na!

Polomolok South Cotabato- Ginahan-ay na usab karon mga kasama ang security plan kon ang mga lakang aron nga masegurong luwas ang mga katawhan sa Polomolok alang sa tinuig nga kasaulugan sa Flom’lok Festival 2017.

Selebrasyon usab kini alang sa ika- 60 ka tuig nga Foundation Anniversaryo sa Munisipyo sa Polomolok.

Sumala pa ni Police Senior Inspector Hernan Gabat, ang Deputy Station Commander sa Polomolok PNP, nga ilahang girekomenda ang ilahang planong pang-seguridad apan posible pa kining mausab.


Kung kahibaloan mga kasama nga magsugod ang mga aktibidad sa Flomlok sa petsa 25 sa Agosto, og mahuman sa petsa 10 sa bulan sa Setyembre.

Dugang pa ni PSI Gabat, nga bisan pa man nga ilaha ng giplastar ang ipatumang seguridad sa Flom’lok Festival, kinahanglan gihapon kini nga ipresentar sa munisipyo og sa PNP Provincial Office.

Kini aron nga matun-an kung angayan ba nga aprubahan og dili ang gihan-ay nga plano.

Sa karon, ang igo lamang matud pa sila nga magpaabot sa mamahimong desisyon sa munisipyo sa higher headquarters aron nga himoong pinal ang ilahang plano.

Aminado si Gabat nga dili pa paigo ang ihap sa kapulisan sa Polomolok kung aron magbantay sa duha ka semana nga mga aktibidad sa Flom’lok Festival.

Ang Flom’lok Festival ang gikan sa pinulungang B’laan nga buot pasabot “hunting ground”. Og tibook munisipyo sa Polomolok ang ginasaulog aron nga i-selebrar ang kadatu sa ilahang lokal nga produkto og ang pagpakita sa mga sagol nga socio-cultural nga mga aktibidad. ( Photo credit to the owner)

Facebook Comments