General Santos City—Nagkadugo pa nga nahidangat sa Dr. Jorge Yoreca Hospital ang usa ka tendero human nga gibato sa mga miyembro sa Children in Conflict with the Law (CICL) o mas naila sa tawag nga batang SUKARAP alas 11:00 ang takna sa gabie.
Biktima nailhang si Rendon Deralo, 34, residenti sa Dacera Vill, Barangay Mabuhay Gensan.
Base sa report nga nahipos sa RMN Gensan News Team gikan sa Dr. Jorge Royeca Hospital samtang nagbantay sa tindahan ang biktima kalit lang kining gibato sa mga SUKARAP.
Gumikan wala dayon kabantay nakaangkon ang nasangpit ug samad sa iyang ulo human nga naigo sa bato.
Paspas nga misibat ang mga suspek samtang ang biktima dali nga nahidangat sa ospital aron magpailawom sa medikasyon.
Sa kasamtangan nagpadayon ang gihimong imbistigasyon sa kapulisan kalabutan sa maong insidenti.
