Roxas City, Capiz- Naglab-ot na sa kabug-osan nga 18 ang kumpirmado nga kaso snag COVID-19 sa banwa sang Ivisan matapos nga duha ka mga new confirmed cases ang nabalhag subong nga adlaw sang Biernes, Nobyembre 13, 2020.
Base sa Status Update nga ginpaguha sang amu nga banwa, nagpositibo sa COVID-19 swab test ang 50-anyos nga babaye nga taga-Poblacion Sur, Ivisan, Capiz. Ini ang nagatrabaho sa Roxas Memorial Provincial Hospital(RMPH).
Positibo man sa corona virus disease ang 23-anyos nga babaye nga taga- barangay Cudian, Ivisan, Capiz nga nagatrabaho man sa Roxas Memorial Provincial Hospital(RMPH).
Ang mga ini ang lunsay mga asympthomatic kag yara na nagatener sa quarantine facility.
Mahibaluan nga sa kabug-osan nga 18 ka mga nalista nga kaso sa banwa sang Ivisan, may yara na lamang sang duha ka aktibo nga kaso ukon padayon nga nagapaayo samtang ang 16 ang nakarekober na sa amu nga balatian.
