Nagalaum si Mayor Macario Napulan sang Miag-ao, Iloilo nga mangin modelo sila nga banwa sang iban nga kabanwahanan sa probinsya sang Iloilo.
Ini matapos gindeklarar sang Regional Oversight Committee nga “Drug Cleared Municipality” ang banwa sang Miag-ao.
Suno kay Napulan nga indi madali ang pagtinguha nga mangin drug cleared ang ila banwa apang nalab-ot nila ini pinaagi sa pagbuligay sang tanan nga opisyal sang banwa kag sang kabarangayan.
Ginpahayag pa ni Napulan nga wala diri nagatapos ang kampanya sang illegal nga druga bangud isa man ka daku nga challenge sa ila ang pagpabilin sang “drug free” nga status pinaagi sa pagbantay sang hugot agud mapunggan ang mga tawo nga luyag magpalusot sang illegal nga druga sa ila banwa.
Facebook Comments
