BACOLOD CITY – (UPDATED) Patay ang negosyante nga si Alex Yao sa isa ka shooting incident ang natabo sa compound mismo sang Redemptorist Church Barangay 5, Bacolod City las 8 pasado subong nga gab-i.
Ini ang ginpahayag ni PCInsp. Ariel Pico, ang spokesperson sang Bacolod City Police Office sa interview ni Radyoman Mel Benedicto.
Si Mr. Yao, 50 anyos, may duha ka patal igo sa iya dughan gamit ang special bullet sang kalibre .45 nga pistola nga anu naman ang gintunaan sang iya kamatayon.
Samtang ang iya asawa nga si Tess, 50 anyos ang naigo sa iya nga kamot nga karon ara pa sa ospital.
Ang mag-asawa ang kilala nga negosyante kag tag-iya sang TPY Foreign Exchange nga nahamtang sa Hilado Street, syudad sang Bacolod kag iban pa nga negosyo.
Nahibaluan nga bag-o lang natapos ang simba ang mag-asawa kag sang hana na masakay sa ila awto nga Mercedes Benz (GS 2524), kolor puti, nagpanghatag pa sang kuarta sa duha ka mga kabataan, sang gulpi lang ginpalapitan sang riding in tandem kag gintiro.
Nakabonet ang mga suspek kag gilayon nagpalagyo matapos ang kremin.
