Banwa sang Polomolok may ultra-low temperature freezer na nga sarang makaakumudar sang Pfizer vaccine batok COVID-19.

May kapasidad na ang Polomolok nga hatagan sang alokasyon sang Pfizer vaccine tungod may -yara na ang banwa sang ultra-low temperature freezer nga may -83 degrees Centigrade paagi sa public partnership sini sa Dole Philippines.
Ini matapos nga ang storage requirement sang Pfizer vaccine ang yara sa -80 to -60 degrees Centigrade.
Suno kay Polomolok Mayor Honey Lumayag Matti sarang nga makaakumudar sang 105,000 doses sang pfizer vaccine ang ginbakal nga ultra-low freezer sang Dole Philippines nga mangin prayoridad sini ang banwa.
Nagakantidad naman sa P1.2 million ang ULF nga ginbutang naman sa Howard Hubbard Memorial Hospital (HHMH).
Ginpahayag sang alkalde nga himuon sang LGU nga main storage sang pfizer vaccine ang ULF sang Dole Philippines kag ang LGU na ang magprovide sang mga bio refrigerators sa kada vaccination sites.
May-angot sini, ginahingyo ni Mayor Matti sa Department of Health Region 12 nga buligan ang LGU nga makakuha sang madamo nga alokasyon sang Pfizer vaccine batok COVID-19.
Samtang, ginsiguro man ni Matti nga may reefer vans man ang LGU nga butangan sang iban nga bakuna nga makaamudar sang 400,000 doses.
Nahibaluan suno sa alkalde nga ang Kidapawan City lang sa rehiyon dose ang may ultra-low freezer nga magamay ang kapasidad nga yara lang sa 7,000 doses ang maakumudar.


Facebook Comments