Nagbaligya og fake vaccination card arestado

65

Davao City – Kasong kalambigitan sa pagpamaligya og peke nga Coronavirus Disease 2019 (COVID-19) vaccination card o posebling kasong ‘Falsification of Public Documents’ ang atubangon sa usa ka lalaki nga nasikop sa San Pedro Police Station pasado alas 4:00 sa hapon kagahapong adlawa (Agosto 4, 2021).

Sa interbyu sa DXDC RMN Davao kang Police Major Jack Tilcag Station Commander sa San Pedro Police Station, gibutyag niini nga dakpan ang usa ka Aleson Sultan, 24-anyos, taga Barayco, Barangay 5-A, Bankerohan, Davao City.


Saysay ni Tilcag, anaa sa P800 ang ginapangayo nga bayad sa peke nga vaccination card diin P300 ang unang pangayuon isip downpayment ug isunod na ang kulang nga P500.

Matud ni Tilcag, nadakpan ang suspek sa usa ka establisemento sa Bolton ning syudad sa susamang lugar usab kung asa nadakpan kaniadto ang nagapeke og travel authority.

“Diaz mall gihapon. Didto ang source. Diaz mall gihapon ‘ta nakadakop sauna kadtong falcification of travel authority. Karon runner na lang ang ilang ginagamit. Runner ang ginapa-transact sa gawas pero mudawat og kwarta ‘tong runner tapos kuhaon sa taas ang (vaccination) card. So, buy-bust gihapon among gihimo in exchange sa peke nga COVID-19 vaccination card ug in change sa money,” segun ni Tilcag.

Pahimangno sa police official nga dili musulod sa maong iligal nga aktibidad ug pahimangno usab sa publiko nga dili mupalit og peke nga produkto diin gawas nga makasohan ang naghimo ug nagbaligya niini, mamahimo usab nga makasohan ang nagagamit sa maong peke nga dokumento.



RadyoMaN Kirby Manzon

Facebook Comments