Boracay – Arestado rong sangka eaeaki matapos nga ginpaidaeom sa buy-bust operation kaina it aga-aga sa Sitio Sinagpa, Brgy. Balabag, Boracay.
Rong suspek nakila kay Reuben Makalintal Mendoza, 36-anyos ag residente man it nasambit nga lugar.
Na recover sa suspek rong 3 ka mga sachet it suspected shabu, 3 ka sachet it suspected cocaine ag buy-bust money nga 2 ka P 500.00 pesos ag 1 nga P 100.00 pesos nga naga total it P 1,100.00 pesos.
May nabuoe man nga sangka stainless straw nga ginagabit bilang improvised totter, digital weighing scale, barangay ID ag sangka iPhone 6 nga may mga drug transactions.
Ginpatigayon rong operation ko mga taga Phil. Drug Enforcement Agency (PDEA) ag Malay PNP.
Sa makaron hay kulong si Mendoza sa Malay PNP ag magapangatubang it kasong pagbayolar sa R.A. 9165 ukon Comprehensive Dangerous Drug Act of 2002.
