Napusilan ug napatay sa usa ka pulis ang usa ka tulisan nga nibiktima sa mga pasahero sa usa ka puj sa dalan Magallanes ug El Filibusterismo sa Barangay Ermita dakbayan sa Sugbu kagabii , Marso 24.
Ang suspek nailhan nga si Hygie Mendez Mambiar, anaa sa 30 anyos ang edad ug molopyo sa Sitio Tabay-lawom Barangay Tisa .
Si Mambiar nitulis sa pipila ka pasahero sa puj nga gikan sa Plaza Housing paingon sa Carbon .
Apan diha diay sa front seat sa puj si PO3 Nemesio Dinopol ug dihang gisita niya ang suspek naninon kini sa armas hinungdan nga giunhan kini pagpusil sa pulis .
Nakadagan pa ug pipila ka metros ang suspek apan nalup-og ra usab kini ug namatay .
Nakuha gikan sa suspek nga si Mambiar ang pipila ka cellphone, iyang armas ug mga bala
Facebook Comments
